有得揀,咩叫有得揀?一係貨品嘅選擇,二係你同邊個買。貨品嘅選擇:有經驗嘅主人會發覺行入坊間嘅寵物店,你見到嘅嘢,包括糧食、零食、保健品甚至乎日常用品都係熟口熟面,冇辦法,因為供應貨品比佢哋個代理只係得呢啲牌子🤷‍♂️ 你同邊個買:2021嘅香港,我相信好多人喺過去兩年作出一個消費之前,除咗睇嗰件貨係咪啱用、邊度做同埋價錢之外,就係同邊個買! 我哋過去幾年其實一直都係透過Facebook一個Private Group以freelance嘅形式hea做,到咗2021年,我哋作出一個抉擇,全身投入去經營。 透過自身養狗嘅經驗、客人嘅喜好、市場嘅需要同瀏覽不同本地及外國嘅資訊,去搜羅不同嘅外國勢力品牌嘅產品,包括澳洲、英國、美國同歐洲,同時,直接向外國嘅品牌入貨以減低成本,從而令到零售價更具吸引力。尤其係保健品,同零食相比,保健品係有需要嘅情況之下先要食,一食就可能係食到終老,我哋希望每個主人都可以用一個合理而大部份人可以負擔嘅價錢去購買有質素嘅保健品去比佢哋嘅主子。 最後,我哋一貫支持「領養代替購買」,所以我哋會預留一頁作為領養資訊,歡迎各義工或機構同我哋聯絡索取相關申請表格。
1139